rusiyening kiyéwgha hujum qilishni dawamlashturuwatqanliqi bildürüldi
rusiye armiyesi ukrainaning paytexti kiyéwgha bashqurulidighan bomba we uchquchisiz hawa apparatlirini bilen hujum qildi.
türkiye awazi radiyosi xewiri: kiyéw sheherlik hökümetning herbiy ishlar idarisi yazma bayanat élan qilip, rusiye armiyesining may éyida 8- qétim kiyéwgha hawadin hujum qilghanliqini uqturdi.
rusiye qisimlirining bügün etigende kiyéwgha uchquchisiz hawa apparatliri we bashqurulidighan bombilarni ishlitip hujum qilghanliqigha isharet qilinghan bayanatta: «kiyéw hawa boshluqidiki düshmen nishanlirining mutleq köp qismi bayqilip yoqitildi. bashqurulidighan bombilarning sani we türi toghrisidiki sanliq melumatlar yéqinda hawa armiyesi teripidin élan qilinidu» dégen ibarilerge orun bérildi.
kiyéw sheher bashliqi witali klichko özining télégramma supisidiki adrésida bayanat élan qilip, rusiye armiyesining sheherge qilghan hujumliri netijiside partlashlarning yüz bergenlikini bildürdi.
bashqurulidighan bomba we uchquchisiz hawa apparatliri qalduqlirining solomyanski, shéwchénkiwiskiy, darnitskiy we obolonskiy rayonlirigha chüshkenlikini tekitligen klichko, solomyanskida üch kishining yarilanghanliqini, darnitskiyda ikki xususiy mashinining köyüp ketkenlikini qeyt qildi.
