wagnér bashliqining ukrainagha uchur sétip bérishni teklip qilghanliqi ilgiri sürüldi
rus yallanma eskerler guruhi — wagnérning qurghuchisi yéwgéniy prigojinning rusiye eskerlirining orunlirini ukrainagha sétip bérish teklipini otturigha qoyghanliqi ilgiri sürüldi.
türkiye awazi radiyosi xewiri: amérikada chiqidighan «washington pochtisi» géziti prigojinning 24- féwraldin buyan rusiyening ishghaliyitige qarshi küresh qiliwatqan ukrainagha bir teklip sunghanliqini ilgiri sürdi.
gézitning xewirige qarighanda, pirigojin yanwar éyida ukraina istixbarat (dölet bixeterlik) xadimliridin paydilinip, ukrainaning baxmut rayonidin eskerlirini chékindürüshi bedilige rusiye qisimlirining orunliri toghrisidiki uchurlarni sétip bérish teklipini sunghan, ukraina terep pirigojinning teklipini ret qilghan.
rusiye pirézidénti wlaadimir putin bilen bolghan munasiwitining yéqinliqi bilen tonulghan prigojin, baxmut rayonidiki wagnér eskerlirige tégishlik oq – dora bérilmigen teqdirde, rayondin chékinip chiqidighanliqini éytip tehdit salghanidi.
wagnér guruhi rehbiri ötken hepte awazliq uchur tarqitip, özi we eskerliri rayondin ayrilghan teqdirde, satqun dep qarilidighanliqini éytqanidi.
