pakistanda imranxan qolgha élinghandin kéyinki namayishlarda 9 namayishchi qaza qildi

türkiye awazi radyosi xewiri: pakistan dölet taratqulirining xewerlirige asaslanghanda, pakistan edalet herikiti partiyesining rehbiri imranxan chiriklik jinayiti bilen eyiblinip qolgha élinghandin kéyin, memliket miqyasida bashlanghan namayishlar dawamlashmaqta.

namayishlar jeryanida, xeyber paxtonxwa ölkiside yette kishi, béluchistanda bir we penjapta bir kishi bolup, jemiy toqquz kishi qaza qildi.

pakistanda 9-maydin bashlap dawamlishiwatqan namayishlarda qaza qilghanlarning sani toqquzgha yetti, 290 din artuq kishi yarilandi.

pakistan adalet herikiti partiyesining yuqiri derijilik siyasiyonlirini öz ichige alghan 1900 din artuq partiye qollighuchiliri qolgha élindi.

tarnolda namayishchilar poyiz yoligha buzghunchiliq qildi.

paytext islamabad we lahorda saqchilargha tewe mal-mülükler we lowérdirde herbiy qisimlargha tewe chégra qorghini buzup tashlandi.

lahordiki namayish jeryanida chong générator partlidi, emma weqede adem ölüsh hadisisi körülmidi.

lahordiki shadman saqchixanisida, namayishchilar, saqchi mashinilirigha ziyan saldi.

memliket miqyasida élip bériliwatqan namayishta 200 din artuq saqchi yarilandi, nurghun saqchi aptomobilliri ishlitishke bolmaydighan halgha keltürüp qoyuldi.

hökümetning bixeterlikini qoghdash üchün armiye wezipige chaqirilghandin kéyin, paytext islamabadning her qaysi nuqtilirida qoralliq eskerler wezipe öteshke bashlidi.