yawropa ittipaqi israiliyening ghezzege qaratqan hujumliridin endishe qiliwatqanliqini bildürdi
yawropa ittipaqi israiliyening ghezzediki puqralarning ölüshini keltürüp chiqiriwatqan hujumliridin endishe qiliwatqanliqini bildürdi.
türkiye awazi radiyosi xewiri: yawropa ittipaqi tashqi munasiwetler we xewpsizlik siyasetliri ali wekili josép borrélning ishxanisi yazma bayanat élan qilip, israiliyening tünügünki hawa hujumliridin kéyin, yawropa ittipaqining ghezzediki jiddiylikning küchiyip kétishidin chongqur endishe qiliwatqanliqini otturigha qoydi.
bayanatta: «yawropa ittipaqi balilarni öz ichige alghan puqralarning hayatidin ayrilishidin chongqur qayghurmaqta we xelqara insanperwerlik qanunigha hörmet qilishni telep qilmaqta» dégen ibarilerge orun bérildi.
bayanatta, her qaysi terepler soghuqqanliqni saqlap, tinchliqni ilgiri sürüsh we rayonning muqimliqigha kapaletlik qilishqa chaqirildi.
israiliye armiyesi tünügün etigende ghezzede hawadin hujum qilip, balilar we ayallarni öz ichige alghan 15 pelestinlikning jénigha zamin bolghan, 22 kishining yarilinishini keltürüp chiqarghanidi.
israiliye qisimlirining iyordan deryasining gherbiy qirghiqidiki nablus shehirige qilghan hujumidimu 15 pelestinlik yarilanghanidi.
