italiye ukrainadiki puqralirini agahlandurdi
italiyening kiyéw elchixanisi rusiyening künséri köpiywatqan bashqurulidighan bomba hujumliri sewebidin puqralirigha ukrainadin derhal ayrilishini tewsiye qildi.
türkiye awazi radiyosi xewiri: italiyening kiyéw elchixanisining intérnét tor bétide bu heqte élan qilinghan uqturushta, mundaq déyildi: «hazir ukrainada turuwatqan puqralirimizning yol yürüsh cheklimisi küchke ige bolmighan waqitlarda poyizlarnimu öz ichige alghan mawjut qatnash wasitiliridin paydilinip, derhal ukrainadin ayrilishi we intayin éhtiyatchan bolushini tewsiye qilimiz. shundaqla qaysi shekilde bolushidin qetiynezer ukrainagha sayahetke barmasliqini tewsiye qilimiz.»
ukraina düshenbe küni tang seherde rusiyening nurghun qoralliq uchquchisiz hawa apparatliri we bashqurulidighan bombilar arqiliq hujum qoghighanliqini, paytext kiyéw üstidin 35 kamikazé ayropilanini étip chüshürgenliklirini uqturghanidi.
rusiye hawa armiyesining bombardimanchi ayropilanlirining odéssa rayonigha sekkiz bashqurulidighan bomba qoyup bergenliki bildürülgenidi.
zaporojya shehiridin bashqa, chérnigow we dnépropétrowiski rayonliridimu partlash yüz bergenliki uqturulghanidi.
2022-yili 24 – féwral qüni rusiye pirézidénti wiladimir putin rusiye armiyesige ukrainani ishghal qilish buyruqi chüshürgenidi. shuning bilen, rusiye – ukraina urushi bashlanghanidi.
putin urushtin meqsetning kiyéwning shimaliy atlantik ehdi teshkilatigha eza bolushining aldini élish we ukrainani rusiyening tesir dairisi ichide saqlap qélish üchün, bu döletni herbiysizleshtürüsh we ukrainadiki natsistlarni yoqitish ikenlikini éytqanidi.
مۇناسىۋەتلىك خەۋەرلەر
irélandiyemu pelestin dölitini étirap qildi
ispaniye we norwégiyedin kéyin, irélandiyemu pelestin dölitini resmiy étirap qildi.