wagnér baxmut rayonidin chékinidighanliqini jakarlidi
rusiye bixeterlik shirkiti wagnérning qurghuchisi yéwgéniy prigojin oq- dora bérilmigechke, 10- may ukrainaning baxmut rayonidin chékinishni qarar qilghanliqlirini uqturdi.
türkiye awazi radiyosi xewiri: yéwgéniy prigojin özining ijtimaiy taratqudiki adrésida, shirketning ukraina urushida oq- dora mesilisige duch kelgenlikige munasiwetlik bir sin körünüshini tarqatti.
yérim kéchide élan qilinghan sin körünüshi arqiliq yéqinda öltürülgen wagnér jengchilirining jesitini körsetken prigojin, bu jengchilerning birlirining perzenti, yene bezilirining birlirining dadiliri ikenlikini eskertti.
pirigojin jengchilerning oq- dora kemchilliki sewebidin öltürülgenlikini tilgha élip, oq- dora bilen teminlimigenlerning «dozaxta köyidighanliqi»ni éytti.
u ghezep bilen warqirap turup: «bizning %70 oq – dorimiz kemchil. (rusiye dölet mudapie ministiri sérgéy) shoygu! (bash ishtab bashliqi walériy) gérasimof! oq-dora qeyerde? bulargha (yerdiki jesetlerge) qaranglar!» dédi.
prigojin oq- dora bérilmigen bolghachqa, 10- may ukrainaning baxmut rayonidin chékinishni qarar qilghanliqini jakarlidi.
2022- yili 2- ayning 24- küni rusiye pirézidénti wladimir putinning ukrainagha tajawuz qilish buyruqini chüshürüshi bilen rusiye- ukraina urushi bashlinip ketkenidi.
putin kiyéwning shimaliy atlantik ehdi teshkilati – natogha eza bolushining aldini élish we uni rusiyening tesir dairisi ichide saqlap qélish üchün, ukrainani herbiysizleshtürüp, natsistlarni yoqitishni meqset qiliiwatqanliqini éytqanidi.
