firansiyede térorluq teshkilati p k k ning qollighuchiliri türkiye puqralirigha hujum qildi

türkiye awazi radiyosi xewiri: türkiyede 14 – mayda ötküzülidighan jumhur reislik we 28-nöwetlik parlamént ezaliri saylimi üchün firansiyening marsélya shehiride  27 - apréldin buyan bélet tashlash dawamlashmaqta.

tünügün  marsélyadiki saylam merkizige yéqin jayda térorluq teshkilati p k k ning qollighuchiliri türkiye puqralirigha hujum qildi.

diplomatik menbelerning bildürishiche, térorluq teshkilatining qollighuchiliri zorawanliq qilghan bolsimu, marsélyadiki weqelerde héchkishi yarilanmighan. firansiye saqchiliri neq meydanda bixeterlikini qoghdashta qiynalghan.

türkiyening parizhda turushluq bash elchixanisi, marsélya bash konsulxanisi we firansiye bixeterlik qisimlirining bélet tashlash üchün kelgen türkiye puqralirining bixeterlikige kapaletlik qilish üchün kéreklik barliq tedbirlerni yolgha qoyghanliqi bildürüldi.

türkiyening parizhda turushluq bash elchisi eli onaner bügün etigende hujum yüz bergen jaylargha bardi.

ijtimaiy taratqularda hembehirlengen körünüshlerde, térorluq teshkilati p k k ning qilghuchiliri qoligha kaltek élip, ayallar, erler we balilarni ayrip olturmastin bélet tashlashqa kelgen türkiye puqralirigha hujum qilghanliqi körülgen idi.