shahzade xarri engliyede taj kiyish murasimigha qatnishidighan boldi
shahzade xarri engliye padishahi charléz III ning 6- mayda ötküzülidighan taj kiyish murasimigha qatnishidighan boldi.
türkiye awazi radyosi xewiri: bukkingham sariyi teripidin élan qilghan bayanatta, engliye xan jemetidin ayrilip, amérikada olturaqlashqan sussékis kénezliki shahzadisi xarrining dadisi padishah charlézning taj kiyish murasimigha qatnishidighanliqi jezmleshtürüldi.
bayanatta, sussékis kénezliki melikisi mégan markléning bolsa, shahzade archi we melike lilibét bilen birlikte kaliforniyede qalidighanliqi uqturuldi.
bu bayanat, yéqindin béri ularning (shahzade we ayalining) taj kiyish murasimigha qatnishidighan yaki qatnashmaydighanliqi toghrisida söz-chöchekler tarqalghandin kéyin élan qilindi.
sussékis kénezliki xarri we uning ayali mégan marklé 2020-yili 1-ayda xanliq wezipisidin istépa bérip, téximu musteqil turmush kechürüsh we engliye taratquliridin uzaqlishish üchün amérikada olturaqlashqan idi.
