rusiye pétérsburgdiki partlashning arqisida ukrainaning barliqini bildürdi

türkiye awazi radiyosi xewiri: rusiye fédératsiye bixeterlik idarisi bayanat élan qilip, saint. pétérsburgdiki qehwexanida yüz bergen we blogér maksim fomin jénidin ayrilghan we 50 din artuq kishi yarilanghan partlashning arqisida, ukraina istixbarat idarisining barliqini bildürdi.

bayanatta mundaq déyildi:

«bu térrorluq hujumining ukraina istixbarat idarisi teripidin pilanlanghanliqi .éniqlandi. bularning arisida chet elge qachqan rusiyelik öktichilermu bar. fomin jinayiti, ukrainaning térrorluq teshkilatigha eza 1987-yili tughulghan yuriy dénisow teripidin teyyarlandi. dénisow partlatquch madda qoyulghan kichik heykelni trépowagha pochta arqiliq ewetken. dénisow ukraina istixbarat idarisining buyruqi bilen féwral éyida latwiye arqiliq moskwagha kelgen. dénisow weqedin kéyin 3-aprél erméniye arqiliq türkiyege qachqan. dénisowni xelqaraliq tutush buyruqi chiqirish musapisi bashlandi.»

tekshürüsh jeryanida, gumandar darya trépowa 3-aprél qolgha élinghan bolup, u partlatquch ornitilghan kichik heykelni qehwexanigha ekelgenlikini étirap qilghan idi. moskwa rayonluq soti trépowaning 2-iyunghiche tutup turulushini höküm qilghan idi.

krémil bayanatchisi péskow weqening térrorluq hujumi ikenlikini bildürüp: «bu térrorluq hujumining pilanlinishida ukraina istixbarat idarisning qolining barliqi toghrisida uchurlar bar» dégen idi.