lawrow xitay tashqi ishlar ministiri bilen körüshti
rusiye diplomatiye ministiri sérgéy lawrow xitay tashqi ishlar ministiri chin gang bilen körüshüp ukraina weziyitini muzakire qildi.
türkiye awazi radiyosi xewiri: rosiye tashqi ishlar ministirliqining yazma bayanatigha qarighanda, lawrow bilen chin gang özbékistanning semerqent shehiride chaqirilghan afghanistangha qoshna döletler (özbékistan, iran, xitay, pakistan, tajikistan, türkmenistan we rusiye) tashqi ishlar ministirliri yighini dairiside bir yerge jem bolghan.
rusiye pirézidénti wiadimir putin bilen xitay dölet reisi shi jinping teripidin aldinqi ayda paytext moskwada tüzülgen kélishimning ijra qilinish ehwali muzakire qilghan uchrishishta, afghanistan, ottura asiya we ukrainaning nöwettiki weziyiti heqqide muzakire élip bérilghan idi.
ikki ministirning uchrishishida, «rusiye bilen xitayning nurghun mesililerde oxshash yaki yéqin pozitsiyede ikenliki, bashqa döletlerning ichki ishlirigha arilishish, qara chaplash, tehdit sélish arqiliq bir tereplime qarashni mejburiy téngish, xelqara munasiwetlerning démokratiyelishishige qarshi turush teshebbuslirini qobul qilghili bolmaydighanliqi» qeyt qilindi.