biraziliyede su apiti yüz berdi
biraziliyening shimalida yaghqan qattiq yamghur keltürüp chiqarghan su apitide alte adem qaza qildi, minglarche kishi öy – makanliridin ayrilip qaldi.
türkiye awazi radiyosi xewiri: biraziliye alaqidar dairiliri bayanat élan qilip, döletning maranxa ölkisige qarashliq 64 bazarda jiddiy halet élan qilinghanliqini, su apiti sewebidin 7700 ailining öy- makansiz qalghanliqini, 35 mingdin artuq kishining tarqaqlashturulghanliqini uqturdi.
bayanatta, izdesh - qutquzush xizmetliri üzlüksiz dawamlashturuluwatqan apet rayonida alte ademning qaza qilghanliqi qeyt qilindi.
apet rayonini közdin kechürgen pirézidént luyiz inakiyo lula da silwa özlirining fédératip, shitatliq we sheherlik hökümetler bilen hemkarliship heriket qiliwatqanliqini bayan qilip: «biz ziyankeshlikke uchrighuchilargha köngül bölüshke mejburmiz. kishiler yatidighan jay, ichidigha su we bashqa özlirini teskin tapquzidighan nersilerni telep qilmaqta؛ bular biz hökümet süpitide qilalaydighan ishlar» dédi.