tésla shirkiti xitayning shangxey shehiride chong zawut quridighan boldi
amérikaning tokluq aptomobil we bataréye ishlepchiqarghuchi shirkiti tésla, énérgiye saqlash üskünisi ishlepchiqirish üchün xitayning shangxey shehiride chong zawut quridighan boldi.
türkiye awazi radiyosi xewiri: shinxua agéntliqining xewirige asaslanghanda, bu yilning üchinchi pesilde uli sélinmaqchi bolghan tésla shirkitining zawut layihesi üchün bügün (10-aprél) shangxeyde imza qoyush murasimi ötküzülgen.
amérikaning tokluq aptomobil we bataréye ishlepchiqarghuchi shirkiti tésla, 2024-yilining ikkinchi peslide paaliyet bashlashni pilanlighan mezkur zawutta«Megapack» dep nam bérilgen we texminen töt mégawat saet tok saqliyalaydighan litiyonluq bataréye zapchaslirini ishlepchiqiridiken.
zawutta yiligha 10 ming dane jemiy 40 gégawat saetlik énérgiye saqlash sighimchanliqigha ige üsküne ishlepchiqirish nishan qilinmaqta.
amérikaning kaliforniye ishtatigha qarashliq latrop shehiride, téslaning hazirmu yiligha 10 ming mégapak ishlepchiqirish iqtidarigha ige chong tiptiki zawuti mewjut.
tésla shirkiti yene, shangxeyde yiligha 1 milyon tokluq aptomobil yasiyalaydighan «géga zawuti» ni 450 ming qoshumche ishlepchiqirish iqtidari bilen kéngeytishni pilanlimaqta.
