Airbus shirkiti xitaydiki ishlepchiqirishining dairisini kéngeytmekte
yawropa ayrupilan yasash shirkiti Airbus guruhi xitayning tyenjin shehiridiki zawutigha yéngi qurashturush liniyesini köpeytip ishlepchiqirish iqtidarini hessilep ashuridighanliqini jakarlidi.
türkiye awazi radiyosi xewiri: igilinishiche, béyjing hökümitimu xitay shirketlirining Airbus shirkitidin 160 yoluchilar ayropilani sétiwélishini testiqlighan bolup, bu dairide 150 dane «A320» tipliq we 10 dane «A350-900» tipliq yoluchilar ayropilani xitay awiyatsiye shirketlirige yetküzüp bérilidiken.
bu kélishimler firansiye pirézidénti émmanuél makronning xitay ziyaritige qatnashqan soda – sanaetchiler heyitidin orun alghan Airbus shirkitining bash ijraiye emeldari gulaumé fauri teripidin élan qilindi.
Airbus shirkitining «asiya hel qilghuch qurashturush liniyesi» (FALA) dep atilidighan tyenjin shehiridiki ishlepchiqirish zawuti 2008-yili paaliyet élip bérishqa bashlighan.
xitay dölet igiligidiki «üch chong» awiyatsiye shirkiti AirChina, China Southern we China Eastern bultur Airbus shirkitidin jemiy 292 dane ayropilan sétiwélishqa wede bergenidi.
makronning ziyariti jeryanida hasil qilinghan kélishim bu heqtiki zakaslarning bir qismini öz ichige alidiken.
