engliye xitayning tiktok shirkitige 12 milyon 700 ming fondstérling jerimane qoydi

türkiye awazi radiyosi xewiri: engliye uchur komitéti ishxanisi (ICO) ning bayanatida, 2020-yili engliyede 13 yashtin töwen 1 milyon 400 ming ösmürning qanungha xilap ikenlikige qarimastin tiktokni ishlitishige yol qoyulghanliqi bildürüldi.

13 yashtin töwen balilarning shexsiy sanliq melumatlirining ata-anilirining ruxsitisiz «Tiktok» teripidin oghrilap ishlitilgenliki bayan qilinghan bayanatta yene, «tiktokni bu supini kimning ishlitiwatqanliqigha dair yéterlik tekshürüshlerde bolmidi. 13 yashtin töwen balilarni bu supidin uzaqlashturush üchün kéreklik tedbir lerni yolgha qoymidi» déyildi.  

bayanatta , engliye uchur komitéti ishxanisi (ICO) ning bir qisim yuqiri derijilik xadimlirining 13 yashtin töwen balilarning bu supini ishlitishi we bu yerdin uzaqlashturulmasliqi endishe peyda qilghanliqini bildürüwatqanliqi,  xitayning ijtimaiy alaqe supisi tiktokning buninggha yéterlik jawab bérelmigenliki eskertildi.

bayanatta, tekshürüsh netijiside tiktokqa 12 milyon 700 ming fondstérling (texminen 15 milyon 900 ming dollar) jerimane qoyushning qarar qilinghanliqi uqturuldi.