wolodimir zélénskiy polshaning eng aliy sherep ordénigha érishti

türkiye awazi radiyosi xewiri polsha pirézidénti duda «aq bürküt ordéni» ni pirézidéntliq sariyida ukraina pirézidénti wolodimir zélénskiygha teqdim qildi.

pirézidént duda polsha bilen ukraina otturisidiki munasiwetlerni chongqurlashturushta namayan qilghan peziliti üchün zélénskiygha rehmet éytti.

u zélénskiyning bixeterlik paaliyetliri, élip bériwatqan kürishi we kishilik hoquqni qoghdash iradisi üchün «aq bürküt ordéni» teqdim qilinghanliqini éytti.

duda dölet ordéni teqdim qilish murasimidiki sözide, «aq bürküt ordéni polshaning eng qedimkiy we eng qimmetlik médali hésablinidu. polsha jumhuriyiti we uning etrapidiki turmushqa alahide töhpe qoshqan imtiyazliq kishilergila teqdim qilinidu. shübhisizki, zélénskiy ependimu alahide kishidur. wetenge qilghan xizmitingizni her körginimizde köz yashlirimizni yoshurush nahayiti tes bolmaqta. siz ne ukrainani,  ne yurtdashliringizni tashlimidingiz. siz dölet we milletning ülgilik rehbiri» dédi.