töt terep süriye yighini moskwada chaqirildi
türkiye, rusiye, beshshar esed hakimiyiti we iranning muawin tashqi ishlar ministirliri derijilik «süriye» yighinida, terepler söhbetlerni dawamlashturush toghrisida birdeklik hasil qildi.
türkiye awazi radiyosi xewiri: diplomatik menbelerdin igilengen uchurlargha asaslanghanda, 3-4- aprél künliri rusiyening paytexti moskwada türkiye, rusiye, beshshar esed hakimiyiti we iranning muawin tashqi ishlar ministirliri derijilik töt tereplik kéngesh yighini échilghan.
terepler kéler nöwetlik tashqi ishlar ministirliri yighinining teyyarliq xizmetlirige munasiwetlik mesililerni muzakire qilghan؛ her qaysi döletler özlirining meydani we köz qarishini ochuq – ashkara otturigha qoyghan we bu arqa körünüshte, söhbetlerni dawamlashturush toghrisida kélishken.
rusiye tashqi ishlar ministiri sérgéy lawrow échilish nutqi sözligen yighinda, türkiye wekiller ömikige muawin tashqi ishlar ministiri buraq akchapar riyasetchilik qilghan.
yighingha rusiyege wakaliten pirézidént wladimir putinning ottura sherq we afriqa döletliri alahide wekili mixayil bogdanof, irangha wakaliten iran tashqi ishlar ministirining siyasiy ishlar meslihetchisi eli esgher haji we beshshar esed hakimiyitige wakaliten muawin tashqi ishlar ministiri eymen susan qatnashqan.
yighin yépiq shekilde ötküzülgen.
مۇناسىۋەتلىك خەۋەرلەر
sholz nétanyahu bilen téléfonlashti
gérmaniye bash ministiri olaf sholz israiliye bash ministiri bényamin nétanyahu bilen téléfonlashti.
