israiliye demeshiqtiki bir jaygha hawadin hujum qildi
beshshar esed hakimiyiti israiliyening süriyening paytexti demeshiqtiki bir jaygha hawadin hujum qilghanliqini ilgiri sürdi.
türkiye awazi radiyosi xewiri: beshshar esed hakimiyitining xewer agéntliqi «sana»ning herbiy menbeni asas qilghan xewirige qarighanda, shu jay waqti saet 0 din 15 minut ötkende demeshq chet rayonidiki bir jay israiliye armiyesining hawadin hujumigha uchrighan.
hujumda ikki puqraning qaza qilghanliqi ilgiri sürülgen xewerde: «hawa mudapie sistémimiz düshmen bashqurulidighan bombilirini torap, bir qismini étip chüshürdi. hujum netijiside ziyan körüldi» dégen ibarilerge orun bérildi.
israiliye dairiliri hujum toghrisida héchqandaq bayanat élan qilmidi.
demeshiq we etrapidiki chet rayonlarda beshshar esed hakimiyiti eskerliri bilen iran inqilab muhapizetchiliri qisimliri qomandanliqidiki chet el térrorchi unsurliri, bolupmu hizbullah (allah partiyesi) qoralliqlirining barliqi melum.
israiliye süriyede ichki urush bashlanghan 2011- yilidin buyan pat – patla iran himayisidiki térrorchilar bilen hakimiyet eskerlirining süriyediki herbiy nuqtilirigha hujum qilip kelmekte.
