amérika awiyamatkisi süriye déngiz qirghiqigha yéqinlashti

türkiye awazi radiyosi xewiri: amérika dölet mudapie ministirliqi — péntagonning muawin bayanatchisi sabrina sing kündilik muxbirlarni kütüwélish yighinida söz qilip: «biz iran inqilabi muhapizetchiliri qisimliri bilen chétishliq guruppilarning süriyede turushluq qisimlirimizgha qaratqan hujumlirini kücheytkenlikini körduq. shunga, buning aldini élish üchün awiyamatkamizni téximu yéqin rayongha yötkiduq» dédi.

u, 6- féwraldiki qahramanmarashni merkez qilghan yer tewreshlerdin kéyin türkiye déngiz qirghiqigha yéqinlashqan paraxotning orni we wezipe ötesh mudditining özgertilgen- özgertilmigenliki toghrisidiki bir soalgha jawab bérip, ornining süriye déngiz qirghiqigha yéqinraq qilip özgertilip, wezipe ötesh mudditining uzartilghanliqini éytti.

sing alte ayliq wezipe ötesh mudditi toshqan paraxotning aqdéngizda yene qanchilik qalidighanliqi toghrisidiki soalgha jawab bermidi.

bu paraxotning irangha qarshi élip bérilghusi bir herbiy heriketning bir qismi süpitide rayonda tutup turulmighanliqini qetiy shekilde jezmleshtürüp – jezmleshtürmeydighanliqi toghrisidiki soalgha: «bu eskerlirimizge qilinghan hujumlar bilen munasiwetlik bolup, bizning buninggha qayturghan inkasimizdur» dep jawab berdi.