amérika awam palatasi tashqi munasiwetler komitéti blinkénni guwahliq bérishke chaqirdi
amérika tashqi ishlar ministiri antoni blinkén afghanistandin chékinishke munasiwetlik mexpiy doklat toghrisida guwahliq bérish üchün dölet mejlisige chaqirtildi.
türkiye awazi radiyosi xewiri: amérika awam palatasi tashqi munasiwetler komitéti reisi maykil makkol antoni blinkénni amérika afghanistandin chékinishtin ilgiri afghanistanda wezipe ötigen amérika diplomatlirining «weziyetning künséri nacharlishiwatqanliqi» heqqidiki doklati toghrisida guwahliq bérishke chaqirdi.
jo baydin hökümitining afghanistandin chékinip chiqish musapisini tekshürüshke mesul komitétning reisi makkol blinkéndin «2021- yili 7 - ayda afghanistanda turushluq diplomatlar teripidin tashqi ishlar ministirliqigha ewetilgen <afghanistan weziyitining téz sürette nacharlishiwatqanliqi> toghrisidiki mexpiy doklat heqqide komitétqa melumat bérishini telep qildi.
makkul «bu halqiliq höjjetni körüsh üchün nurghun qétim yaxshi niyet bilen urunup körgenlikliri» ni tilgha élip, blinkén bu chaqiriqlargha jawab qayturushni ret qilghan bolghachqa, tekshürüsh komitétining reisi süpitide tashqi ishlar ministirini guwahliq bérishke chaqirishqa mejbur bolup qalghanliqini éytti.
amérikaning 2001- yili 7 - dékabir bashlanghan afghanistandiki mewjudiyiti aridin 20 yil ötkendin kéyin 2021- yili 31- awghust afghanistandin eskerlirini chékindürüsh xizmitini tamamlishi bilen axirlashqanidi.
afghanistandin chékinish musapiside yüz bergen ishlar we amérika bilen hemkarlashqan afghanistanliqlarning tashlap qoyulushi amérika jamaetchilkining küntertipidin orun élishni dawamlashturmaqta.
