péskow: dostane bolmighan döletler achqan bu arilashma urush uzun dawamlishidu

türkiye awazi radiyosi xewiri: rusiye pirézidéntliq mehkimisi — krémil bayanatchisi dimiriy péskow paytext moskwada muxbirlarning nöwettiki mesililer toghrisidiki soallirigha jawab berdi.

u rusiyening ukrainadiki «alahide herbiy herikiti» ning bu yil axirliship - axirlashmaydighanliqi toghrisidiki bir soalgha jawab bérip: «eger keng kölemlik urushni közde tutuwatqan bolsingiz, bu düshmen döletler we dostane bolmighan döletler bilen boluwatqan bir toqunush. bu dölitimizge qarshi turghuchilargha achqan bir urush bolup, uzun dawamlishidu. bu ehwalda bizning özimizge ishench qilishimiz, qetiylikke we pirézidéntning etrapida uyushushqa mohtaj» dédi.

rusiye armiyesi2022 - yili 24 - féwral ukrainagha bésip kirip, ishghal herikitini bashlighanidi.