ukrainaning rusiye zéminigha hujum qilghanliqi bildürüldi
rusiye dölet mudapie ministirliqi ukrainaning rusiye zéminlirigha «Tu-141 Strij» tipliq uchqu bilen hujum qilghanliqini bildürdi.
türkiye awazi radiyosi xewiri: rusiye dölet mudapie ministirliqi tula rayonigha qaylashqan kiréyéwsk shehiride yüz bergen partlashning sewebi toghrisida bayanat élan qildi.
bayanatta, rusiye zéminigha hujum qilinghanliqigha ishare qilinghan halda: «kiyéw hökümiti <Tu-141 Strij> tipliq uchqu bilen hujum qilishqa urundi» déyildi.
bayanatta, tula rayonigha orunlashturulghan «S-300» we «Pantsir-S1» hawa mudapie bashqurulidighan bomba sistémiliri, «Pole-21» éléktronluq herbiy sistémilirining bixeter halda qoghdash xizmitini emelge ashurghanliqi tekitlendi. bolupmu, «Pole-21» éléktronluq herbiy sistémilirining ukrainaning qoralliq uchqusining yol bashlash sistémisini ongushluq chekligenliki eskertildi.
bayanatta mundaq déyildi:
«yönilishini yoqitip qoyghan uchqu tula rayonigha qarashliq kiréyéwsk shehirige chüshti. rusiye dölet mudapie ministirliqi we rusiye jiddiy ehwallar ministirliqining mutexessisliri, herbiy qisimlar weqe yüz bergen jayni tekshürmekte.»
paytext moskwagha 220 kilométir kélidighan tula rayonidiki kiréyéwsk shehiride tünügün (26-mart) shu yer waqti 15:19 ötkende partlash yüz bergen.
partlashta, ikki kishining yarilanghanliqi, üch turalghu binasi we bezi iskilatlarning ziyangha uchrighanliqi qeyt qilindi.
sabiq sowétler ittipaqi dewride ukrainaning xarkiw shehiride ishlepchiqirilghan urush we charlash ishlirida ishlitilgen « Tupolev Tu-141 Strij » tipliq uchqu, 6 ming métir égizlikte uchalaydu, saitige 1110 kilométir tézlikte 1000 kilométir musape basalaydu.
