yaponiye bash weziri kishida kiyéwda ziyarette boldi

türkiye awazi radiyosi xewiri: ukraina pirézidénti wolodimir zélénskiy yaponiye bash weziri kishida fumiyo bilen körüshti؛ ukraina pirézidénti zélénskiy ijtimaiy taratqu supisidiki adrésida bayanat élan qilip, kiyéwda «xelqara tertipning küchlük qoghdighuchisi we ukrainaning kona dosti» bash wezir kishida bilen körüshkenlikidin xushalliq hés qilghanliqini bildürdi.

u bayanatida: «bash wezir kishida birleshken döletler teshkilati ehdinamisining muddiasi we pirinsiplirini, omumen xelqaraning bixeterlikni qoghdash üchün dunyawi rehberlikni aktiplashturush muhim boluwatqan bir peytte ukrainagha keldi» dégen ibarilerge orun berdi.

yaponiye tashqi ishlar wazariti bash wezir kishidaning may éyida xiroshimada ötküzülidighan yette dölet guruhi bashliqlar yighinidin ilgiri, dölitining ukrainani qetiy qollaydighanliqini tekitleydighanliqini élan qilghanidi.

ukrainadiki ziyaritini axirlashturghan yaponiye bash weziri kishida fumiu polsha paytexti warshawagha bérip, polsha bash ministiri matéusz morawiéki bilen körüshti.