ereb birleshme xelipiliki türkiyege 200 tonna xorma yardem qildi

türkiye awazi radiyosi xewiri: 6 – féwral küni qahramanmarashni merkez qilghan türkiyening 11  wilayitide yüz bergen yer tewresh apitidin kéyin, köpligen döletler türkiyege yardem qilish seperwerlik paaliyetlirini ishqa kirishtürdi.

ereb birleshme xelipiliki ramizan bashlinish harpisida, türkiyediki yer tewresh apitide éghir talapetke uchrighan 11 wilayetke 200 tonna xorma ewetti.

ereb birleshme xelipilikining enqerede turushluq bash elchisi sany ezzahiri yer tewresh apitidin kéyin dölitining türkiyeni qollighanliqini, hemishe türkiyening yénida ikenlikini éytti.

zahiri mundaq dédi: «biz hemishe türkiyening yénidimiz. ramizan bashlinish harpisida türkiyediki yer tewresh apitide éghir talapetke uchrighan qérindashlirimizgha 200 tonna xorma ewettuq. bu xormilar bésilghan 11 yük aptomobili ghaziantep wilayitige yétip keldi. bu xormilar yer tewresh apitide éghir talapetke uchrighan türkiyediki 11 wilayetke ewetilidu, hemde 11 wilayetning waliysi bilen masliship talapetke uchrighuchilargha tarqitip bérilidu.»