litwaniye «wagnér» ni «térrorluq teshkilati» dep qobul qildi

türkiye awazi radyosi xewiri: litwaniye parlaméntining «wagnér» toghrisidiki qararida, «wagnér» ning ukrainada, «térrorluqqa barawer» dep qarilidighan heriketlerde bolghanliqi otturigha qoyulup, tajawuzchi (rusiye) bilen bille herbiy heriketlerge aktipliq bilen qatnashqanliqi bildürüldi.

qararda, rusiye pirézidénti wladimir putingha yéqinliqi bilen tonulghan karxanichi yéwgénniy prigojin teripidin qurulghan we yawropa ittipaqi bilen amérika émbargo tizimlikige kirgüzgen xususiy herbiy shirket «wagnér» üchün «rusiyening kölengge herbiy küchi» dégen söz ishlitildi.

qararda yene «térorluq teshkilati» dep békitilgen bu shirket gurupisining ottura afriqa jumhuriyiti, sudan we mali qatarliq döletlerdimu paaliyet qiliwatqanliqi, amérika maliye ministirliqi teripidin «dölet halqighan jinayet teshkilati» dep békitilgenliki otturigha qoyuldi.

bashqa döletlermu «wagnér» ni «térrorluq teshkilati» dep étirap qilishqa chaqiriq qilindi.

wagnérning qurghuchisi prigojin télégramma adrésida bu qarargha jawab bérip: «litwaniye bir mikro dölet, litwaniye parlamént ezalirining köz qarashliri hetta qoshna döletlerdin latwiye we éstoniye ahalilirigimu tesir körsitelmeydu» dédi.

prigojin bu qararning maqullinishining «wagnér» ning xizmitige héchqandaq tesir körsetmeydighanliqi éytti.