iraqning eng uzun köwrükining bir qismi kelkünde örülüp chüshti

türkiye awazi radiyosi xewiri: kerkük yoli we köwrüklerni bashqurush idarisi bashliqi qasim hemze kerkük-baghdad tashyolini tutashturidighan dakuk köwrükining bir qismining shiddetlik yamghurning tesiride peyda bolghan kelkünde örülüp chüshkenlikini bildürdi.

qasim hemze bu liniyede nurghun köwrüklerning barliqini, emma dakuk rayonigha jaylashqan we bir kilométirliq uzunluqi bilen dölet boyiche eng uzun köwrük hésablinidighan dakuk köwrükining intayin muhimliqini bildürdi.

qosh yönilishlik köwrükning 23 tüwrüki barliqini uqturghan qasim hemze, yéqinqi ikki kündin buyan qattiq tesir körsitiwatqan shiddetlik yamghur sewebidin su sewiyesining örligenlikini we buning netijiside 5 tüwrükning astinqi qismining ziyangha uchrighanliqini bildürdi.

qasim hemze tüwrük buzulush sewebidin köwrükning bir qismi örülüp chüshkenlikini, éghir yük qachilanghan aptomobillarning köwrüktin ötüshining toxtitilghanliqini bildürdi.