amérika bilen filippinning «salaknib» manéwiri bashlandi
amérika bilen filippinning 4 mingdin artuq eskirining qatnishishi astida manéwir ötküzüldi.
türkiye awazi radiyosi xewiri: amérika we filippin eskerliri filippinning eng chong herbiy rayoni jaylashqan palayan shehiride texminen üch hepte dawamlishidighan «salaknib» (Salaknib) namliq herbiy manéwirni bashlidi.
filippin armiyesining qomandani général roméyo brawnér bilen amérika armiyesining qomandani général xawér bransonning söz qilishi bilen bashlanghan manéwirgha, 1000 filippin eskiri bilen 3 mingdin artuq amérika eskiri qatnashti.
filippin armiyesining qomandani général roméyo brawnér manéwir toghrisida toxtilip, ikki dölet eskerlirining hawa we déngiz qirghaqliri mudapie iqtidarini ashurushni, oxshimighan herbiy heriketlerde ikki armiyening hemkarliqlirini kücheytishning meqset qilinghanliqini bildürdi.
u filippinde 2016-yildin buyan her yili ötküzülidighan «salaknib» manéwirining 4-aprélghiche dawamlishidighanliqini eskertti.
filippin 2014-yili ikki dölet otturisida imzalanghan tereqqiy qilghan mudapie hemkarliq kélishimi (EDCA) ramkisida, xitayning asiya-tinch okyan rayonida künséri éshiwatqan tehditige qarshi turush meqsitide, 2-féwral (2023) amérikaning filippindiki töt herbiy bazidin paydilinishigha ruxset qilghan idi.
