londonda 82 yashliq bir bowayni köydürüwetken gumandarni tutush tirishchanliqi dawamlashmaqta
engliye saqchiliri aldinqi ayda londonning gherbidiki bir meschit aldida 82 yashliq bir bowayning yüzi we bilikini köydürüwetken jinayet gumandarini izdep tutushqa tirishmaqta.
türkiye awazi radiyosi xewiri: london saqchilirining bayanatigha asaslanghanda, adem köydürüsh weqesi 27 - féwral (2023) kechte yüz bergen bolup, hujum qilghuchi mezkur kishige bénzinge oxshash suyuqluqni chéchip, chaqmaq ot yaqqan.
saqchilar hujum qilghuchining resimini hembehirlep, izdep- tutush xizmetliri üchün xelqning yardem bérishini telep qildi.
razwédchiklar, hujum qilishtin ilgiri hujum qilghuchi bilen hujumgha uchrighuchining gherbiy london islam merkizidin birlikte chiqqanliqini we besh minut etrapida paranglashqanliqini, söhbettin kéyin hujum qilghuchining 82 yashliq bowayning yüzi bilen bilikini köydürüwetkenlikini bildürdi.
82 yashliq bowayning yüzi we biliki éghir derijide köyüp doxturxanida balnéstqa élinghan idi.
razwédchik sérzhant stéwén gumandarni tonuydighanlarni saqchilar bilen alaqilishishqa chaqirdi.
