nétanyahuning terjimani italiye ziyariti jeryanida terjimanliq qilishni ret qildi

türkiye awazi radiyosi xewiri: padua ijtimaiy alaqe hésabida élan qilghan bayanatida, «nitaniyahuning italiye ziyariti jeryanida  mendin terjiman bolushum telep qilindi. uzun oylanghandin kéyin bu telepni ret qilishni qarar qildim» dédi.

padua nétanyahuning axbarat ishxanisigha qaratqan bayanatida: «nétanyahuning siyasiy qarashlirini qollimighinimgha oxshash, uning rehberlikinimu israiliye dölitidiki démokratiyege nisbeten eng xeterlik rehberlik dep qaraymen» dédi.

 nétanyahu bu ishqa qarita héchqandaq bayanat élan qilmidi.

israiliye bash ministiri bényamin nétanyahuning resmiy ziyaret dairiside peyshenbe küni italiyege bérip, hepte axirini italiyede ötküzüshi pilanlanghan idi.

israiliye edliye ministiri yariw léwin 5-yanwarda aliy sotning hoquqini chekleydighan we edliye organlirining sotchilarning  saytlinishigha bolghan tesirini azaytidighan bir qanun teklipi pilanlawatqanliqini élan qilghan idi.

nitaniyahuning bash ministirliqi astidiki birleshme hökümetning edliye organlirining bir qisim heq - hoquqlirini parlaméntqa ötküzüp bérishige dair tashlighan qedemliri hökümet bilen israiliye edliye méxanizmi, bolupmu aliy sot otturisida jiddiylik peyda qilghan idi.

nitaniyahu hökümitining edliye nizami we ong qanat siyasitige qarshi 9 heptidin béri her shenbe küni keng kölemlik namayish ötküzülmekte.

dölet miqyasida peyshenbe künide yollarni taqash we poyiz mulazimitini toxtitish qatarliq kündilik turmushni aqsitidighan «ammiwi  itaetsizlik herikiti» chaqiriqliri élan qilinmaqta.