méksikada tashlanduq yük aptomobili ichidin 343 qanunsiz köchmen tépildi
méksikaning sherqide toxtutup qoyulghan bir yük aptomobilining ichidin 343 qanunsiz köchmen tépildi.
türkiye awazi radiyosi xewiri: méksika döletlik köchmenler instituti (INM) teripidin élan qilinghan bayanatta, wérakruz ölkiside bir yük aptomobilining ichide honduras, salwador, giwatémala we ékwadordin kelgen qanunsiz köchmenlerning bayqalghanliqi bildürüldi.
méksika döletlik köchmenler instituti (INM) bayqalghan 343 köchmendin 103 nepirining kichik balilar ikenlikini eskertti.
méksika bash teptish mehkimisi (FGR) we jinayi ishlar razwédka orgini bu weqege qarita tekshürüsh bashlighanliqilirini élan qildi.
yük aptomobili shopurining neq meydandin qéchip ketkenliki uqturuldi.
adem etkeschilirining köchmenlerni «amérikagha apirip qoyimiz» dep aldighan bolushi mumkinliki bildürülmekte.
méksika döletlik köchmenler instituti (INM) aldinqi heptimu baja kaliforniye ölkisidiki bir méhmanxana öyide 79 köchmenning baayqalghanliqini élan qilghan idi.
méksika dairilirining sanliq melumatlirigha asaslanghanda, méksikada 8 milyon 760 ming royxetke élinmighan köchmen yashaydiken.