maduro amérika naraziliq bildürdi

türkiye awazi radiyosi xewiri: maduro wénézuéla dölet téléwiziyesining ziyaritini qobul qilip, wénézuélani amérikagha nisbeten dölet tehditi dep körsetken permanning imzalinishini qetiy ret qilidighanliqini éytti.

wénézuélaning dölet bolush süpiti bilen iqtisadiy jazalar üstidin ghalib kelgenlikini bildürgen maduro: «jo baydin hökümiti wénézuélani amérikaning dölet bixeterlikige pewquladde tehdit dep jakarlighan qararnameni sekkizinchi qétim imzalidi» dédi.

maruro mezkur qararnamening tunji qétim amérikaning sabiq pirézidénti barak obama teripidin imzalanghanliqini eslep: «bu rezil permanning chiqirilghinigha sekkiz yil boldi. wénézuéla bir gewdileshken ishchilar sinipi bilen birlikte algha ilgirilewatidu, jaza we qamalni bitchit qiliwatidu. u jahangirlikke we uning nurghun qararnamelirige duch keldi. (wénézuéla) ularni meghlup qilidu» dédi.

yene bir tereptin, maduro 2013-yili 3-ayning 5-küni wapat bolghan wénézuélaning sabiq pirézidénti xugo chawézni eslep: «10 yildin kéyin shuni déyeleymenki, hörmetlik qomandanimiz chawéz bizning qiliwatqan küreshlirimiz we urushlirimizdin bir lehzimu chüshüp qalmidi» dédi.