taliban yawropa döletliridin afghanistandiki elchixanilirini échishini telep qildi

türkiye awazi radiyosi xewiri: mutteqi afghanistanning jenubidiki qendehar wilayitide yawropa ittipaqining afghanistan alahide wekili tomas niklasson we uning hemrahliqidiki heyet bilen körüshti.

taliban waqitliq hökümitining tashqi ishlar ministirliqi bayanatchisining yardemchisi hafiz ziya ehmed ammiwi ortaqlishish tor béti Twitter sehipiside bu heqte bayanat élan  qildi.

ehmedning bildürüshiche, uchrishishta, taliban waqitliq hökümitining muawin tashqi ishlar ministiri emirxan mutteqi  afghanistan - yawropa ittipaqi elliri otturisidiki diplomatik munasiwetlerni tereqqiy qildurush yolida tégishlik qedemlerning tashlinishi we yawropa ittipaqi ellirini kabuldiki elchixanilirini qayta échishqa teshwiq qilishning zörürlükini éytqan. shundaqla yawropa ittipaqining afghanistangha qilghan insanperwerlik yardemliri sewebidin minnetdar ikenliklirini bildürgen.

yawropa ittipaqining afghanistan alahide wekili tomas niklasson bolsa, afghanistanda talibanning hakimiyet béshigha chiqishidin kéyin bixeterlikning kapaletke ige qilinghanliqini, chiriklikke qarshi küreshte muhim qedemlerning tashlanghanliqini tekitligen.

u yene afghanistangha dawamliq insanperwerlik yardem béridighanliqlirinimu sözlirige ilawe qilghan.

yawropa ittipaqi döletliri talibanning 2021- yili 8- ayning 15- küni afghanistanda hakimiyet béshigha chiqishidin kéyin, afghanistandiki elchixanilirini taqighanidi.