isyanchilar kanchiliq shehiri rubayaning kontrolluqini tartiwaldi
kongo démokratik jumhuriyitining sherqidiki shimaliy kiwu ölkisige qarashliq kanchiliq shehiri rubaya isyanchilarning kontrolluqigha ötüp ketti.
türkiye awazi radiyosi xewiri: kongo döletlik taratqulirining xewirige asaslanghanda, istratégiyelik ehmiyetke ige rubaya shehiri ikki künlük toqunushtin kéyin «23-mart herikiti» guruppisining kontrolluqigha ötüp ketken.
kongo démokratik jumhuriyitining sherqidiki nurghun olturaq rayonlarning kontrolluqini alqinigha kirgüzüwalghan «23-mart herikiti» ezaliri, rubuya shehirige kirgendin kéyin, bixeterlik qisimliri rayondin chékinishke mejbur bolghan.
«23-mart herikiti» ezaliri döletning sherqide algha ilgirileshni dawamlashturmaqta. 25 - féwraldimu istratégiyelik muhim sheher mushakini igelliwalghan idi.
yéqinqi künlerde hujumlirini köcheytken «23-mart herikiti» ezaliri, rayondiki nurghun yéza-bazarlarning kontrolluqini alqinida tutup kelmekte.
kongo démokratik jumhuriyitining sherqide paaliyet qiliwatqan isyanchi «23-mart herikiti» ning 2021 - yili noyabirda qayta bashlanghan hujumliri, rayonda turushluq minglighan puqraning köchüshige we riwanda bilen kongo démokratik jumhuriyiti otturisida kirizis peyda bolushigha seweb bolghan idi.
kongo démokratik jumhuriyiti riwandani eyiblep, altun, koltan we kobalt qatarliq méniral maddilar mol jaylarni ishghal qilmaqchi boluwatqanliqini we «23-mart herikiti» isyanchilirini qollap - quwwetlewtqanliqini ilgiri sürgen bolup, riwanda bu eyibleshler ret qilghan idi.
