makrongha naraziliq bildürgen namayishchi qoghdighuchilar teripidin chéchidin tutup yerde söreldi
firansiye pirézidénti émmanuél makron xelqara déhqanchiliq yermenkiside bir namayishchining narziliqigha uchrap, malimanchiliq yüz berdi.
türkiye awazi radiyosi xewiri: émmanuél makronning qoghdighuchiliri ayal namayishchini chéchidin tutup yerde söridi.
émmanuél makron tünügün (26-féwral) xelqara déhqanchiliq yermenkisige qatnashqan we yermenkide: «men japaliq ishlewatqan déhqanlirimizni qollash üchün bu yerge keldim» dégen idi.
bu jeryanda kilimat özgirishi we pénsiye islahati pilanigha naraziliq bildürmekchi bolghan bir namayishchi prézidént makronning aldida sekridi.
makronning qoghdighuchiliri ayal namayishchini tosti we chéchidin tutup yerde sörigenche zaldin chiqardi.
firansiyede uzun mezgildin buyan naraziliq bildürülüwatqan talash-tartishliq pénsiye qanunigha asasen, séntebirdin bashlap pénsiye yéshi her yili tedrijiy östürülüp, 2027 - yili 63 yash 3 aygha we 2030 - yili 64 yashqa chiqirilidu.
firansiyede pénsiyege chiqish üchün, 2027 – yildin étibaren 43 yil ishleshke toghra kélidu. firansiyede eslide pénsiye yéshi 62 yash bolup, gherbiy yawropadiki bashqa nurghun döletlerge qarighanda töwen hésablinidu.
pénsiye yéshi ispaniyede 65, engliyede 66 yash bolup, italiye we gérmaniyemu67 ge chiqirishni pilanlimaqta.
