natoning napoli birleshme armiye qomandani adanada ziyarette boldi
shimaliy atlantik ehdi teshkilati-natoning napoli birleshme armiye qomandani admiral stuart munsh adanadiki injirlik hawa armiye bazisini ziyaret qildi.
türkiye awazi radiyosi xewiri: shimaliy atlantik ehdi teshkilatining napoli birleshme armiye qomandani admiral stuart munsh türkiyediki yer tewresh apiti éghir talapet yetküzgen rayonlarni ziyaret qilish we yardem paaliyetlirini neq meydanda közitish üchün adanadiki injirlik hawa armiye bazisigha yétip keldi.
shimaliy atlantik ehdi teshkilatining napoli birleshme armiye qomandanliq ishtabining ammiwi ortaqlishish tor béti Twitter sehipiside, bu heqte élan qilinghan bayanatida mundaq déyildi:
«admiral munchning shimaliy atlantik ehdi teshkilati bilen amérika qoshma ishtatliri etretlirining yardem paaliyetlirini közitish meqsitide élip barghan injirlik hawa armiye bazisi ziyariti, shimaliy atlantik ehdi teshkilati bilen amérika qoshma ishtatlirining türkiyege hawa yolliri arqiliq chédir we yardem matériyallirini toshush xizmetlirini közdin kechürüsh bilen bashlandi.»
bayanatta, apet rayonlirigha yardem bérish teyyarliq xizmetliri we shimaliy atlantik ehdi teshkilatining türkiyege qilghan tunji türkümdiki yardem matériyallirini yötkesh paaliyetlirini közitish üchün, natoning napoli birleshme armiye qomandani admiral munchning éghir talapetke uchrighan hatay wilayitining iskenderun nahiyesige baridighanliqi qeyt qilindi.
6 – féwral küni yüz bergen, «100 yildin buyanqi eng chong balayiapet» dep atalghan, türkiyening 11 wilayitige éghir talapet yetküzgen, merkizi qahramanmarash bolghan 7.7 we 7.6 balliq yer tewresh apitidin kéyin, 9 mingdin artuq xelqaraliq izdesh - qutquzush xadimliri türkiyege kelgenidi.
