wiladimir putin wang yi bilen körüshti

türkiye awazi radyosi xewiri: putin moskwadiki pirézidiéntliq sariyi krémilda ötküzülgen uchrishishita, rusiye bilen xitay munasiwitining tereqqiy qilishni dawamlashturuwatqanliqini éytti.

putin ikki dölet munasiwitining hemme sahede ilgirilewatqanliqini bildürüp: «rusiye - xitay munasiwiti ilgiriki yillarda pilanlanlighinimizdek dawamlishiwatidu. hemme ish kelgüsige yönilishlik bolup, yéngi musapilerni bésip ötmektimiz» dédi.

putin rusiye bilen xitay munasiwitining xelqara sehnilerdimu muhim ehmiyetke ige ikenlikini tekitlep: «bügünki kündiki xelqara munasiwetler ikki qutupluq sistéma yimirilgendin kéyin yaxshi halgha kélip baqmidi. xitay bilen rusiyening hemkarliqi xelqara weziyetni muqimlashturush üchün intayin muhim» dédi.

rusiye bilen xitayning birleshken döletler teshkilati xewpsizlik kéngishi, «BRICS döletliri» (biraziliye, rusiye, hindistan, xitay we jenubiy afriqa jumhuriyiti) guruhi we shangxey hemkarliq teshkilati asasidiki hemkarliqnimu dawamlashturuwatqanliqini bildürgen putin, xitay pirézidénti shi jinpingning pat yéqinda rusiyeni ziyaret qilishini kütüwatqanliqini éytti.

wang yimu xelqara weziyetning murekkep ikenlikini eskertip, «xitay - rusiye munasiwiti xelqaraning bésimigha körek kirdi we muqim halda ilgirilimekte» dédi.

u köp qutupluq dunya we xelqara munasiwetler téximu démokratik bolidighan dunya tertipni qollaydighanliqini tekitlep: «rusiye bilen birlikte dölitimizning menpeetini kapaletke ige qilish üchün téximu ijabiy rol élishtiki siyasiy iradimizni namayan qilishqa, özara siyasiy ishenchni chongqurlashturushqa, istratégiyelik hemkarliq we özara tesirni kéngeytishke teyyarmiz» dédi.

wang yi moskwadiki ziyariti dairiside, rusiye tashqi ishlar ministiri sérgéy lawrof bilenmu körüshken idi.