josép borrél iranni agahlandurdi
yawropa ittipaqi tashqi munasiwetler we bixeterlik siyasiti aliy wekili josép borrél iranni xelqara atom énérgiyesi orgini (IAEA) bilen yene bir qétim estayidil hemkarlishishqa chaqirdi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili josép borrél iran tashqi ishlar ministiri hüseyin emir abdullahyan bilen élip barghan téléfon söhbiti heqqide twittér adrésida bayanat élan qildi.
josép borrél bayanatida, yawropa ittipaqining iranning qilmishlirigha tutqan pozitsiyesini yene bir qétim tekitligenlikini bildürüp: «kishilik hoquq depsendichilikinglar, rusiyening (2022-yili 24-féwral) ukrainagha qarshi qozghighan urushigha yardem bergenlikinglar we yawropa ittipaqi puqralirining naheq qolgha élinishi qatarliq qilmishliringlarni derhal toxtitinglar» dédi.
josép borrél yene, iranning xelqara atom énérgiyesi orgini bilen estayidil hemkarlishishi kéreklikini tekitlidi.
iran noyabirda (2022) fordodiki yadro bazilirida uranni %60 sapliqta qoyuqlashturushni bashlighan idi.