yaponiye bilen jenubiy koréye: shimaliy koréye ballistik bashqurulidighan bomba sinaq qildi

türkiye awazi radiyosi xewiri: yaponiye dölet mudapie ministirliqi bayanat élan qilip, shimaliy koréyening shu yer waqti 17:20 etrapida yaponiye déngizi terepke ballistik bashqurulidighan bomba qoyup bergenlikini, 5700 kilométir égizlikke örlesh iqtidarigha ige bombining boshluqta turghan 66 minut ichide 900 kilométir ilgiriligenlikini bildürdi.

yaponiye bash weziri kishida fumio, bashqurulidighan bombining xokkaydoning gherbiy qismidiki yaponiye déngiz tewelikige chüshken bolush éhtimali barliqini otturigha qoydi.

yaponiye kabinét ishxanisi, alaqidar ministirliq we teshkilatlarning wekillirining jiddiy qutquzush etriti teshkillep, ziyan körülüp - körülmigenlikini tekshürüwatqanliqini eskertti.

yaponiye muawin dölet mudapie ministiri ino toshiro, dölitining amérika qoshma ishtatliri bilen bolghan qoyuq hemkarliqini dawamlashturidighanliqini éytti.

jenubiy koréye bash qomandanliq ishtabimu piyongyanggha yéqin sunan rayonidin yiraq musapilik ballistik bashqurulidighan bomba qoyup bérilgenlikini delillep: «armiyemiz amérika bilen qoyuq hemkarliq ornatqan halda, toluq teyyarliq halitini saqlimaqta» dégenlerni qeyt qildi.