amérika étip chüshürüwétilgen «xitay shari»ning qalduqlirini déngizdin chiqardi

türkiye awazi radiyosi xewiri: amérika armiyesi shimaliy qomandanliq ishtabi yazma bayanat élan qilip: « jenubiy karolina qirghiqidiki sharning qalduqliri 16 - féwral muweppeqiyetlik chiqirildi» dédi.

bayanatta, sharning qalduqlirining tekshürülüshi üchün amérika fédératsiye tekshürüsh idarisi — FBI ning wirginiyediki tejribixanisigha élip bérilghanliqi qeyt qilindi.

amérikaning yadro qoralliri jaylashqan montana ishtati hawa boshluqida bayqalghan xitayning alahide égizliktin közitish shari, washington bilen béyjing otturisida diplomatik krizis peyda qilghanidi. 4 – féwral amérika hawa armiyesi shimaliy karolina ishtati hawa tewelikide F-22 küreshliri ayropilanliri teripidin étip chüshürüwétilgen, arqidinla amérika tashqi ishlar ministiri antoniy blinkén, yéqinliship qalghan béyjing ziyaritini kéchiktürgenidi.

xitay sharning herbiy yaki istixbarat toplash meqsitige ige emeslikini, bir hawarayi tekshürüsh shari ikenlikini, hawarayi sharaiti sewebidin yönilish özgertkenlikini ilgiri sürgen. péntagon bolsa, bu izahatlarni ret qilip, özlirining sharning yönilish özgertish iqtidarigha ige ikenlikini, uning bir közitish shari ikenlikini bilidighanliqini bildürgenidi.