iran pirézidénti reisi xitayda ziyarette boldi
xitay bilen iran afghanistandiki taliban waqitliq hökümitini ayallarning xizmet we maaripigha qoyghan cheklimilerge xatime bérishke chaqirdi.
türkiye awazi radiyosi xewiri: iran pirézidénti ibrahim reisining xitaydiki üch künlük dölet ishliri ziyaritidin kéyin, tünügün (16-féwral) qoshma muxbirlarni kütüwélish yighini ötküzülgenliki uqturuldi.
reisi bilen xitay dölet reisi shi jinpingning siyaset, bixeterlik, mudapie, iqtisadiy tereqqiyat, maarip we medeniyet mesililiri bilen birlikte rayon we xelqaraliq mesililer toghrisida sözleshkenliki tekitlengen bayanatta, söhbetler jeryanida soda, déhqanchiliq, sanaet, qayta hasil bolidighan énérgiye we ul-eslihe mesililiriningmu muzakire qilghanliqi qeyt qilindi.
bayanatta yene, söhbetler jeryanida talibanning 2021 - yili 8- ayda afghanistanda hakimiyet béshigha chiqqandin buyan ayallar we qizlarning maarip hemde xizmettiki ornigha körünerlik cheklime qoyushi mesilisiningmu muhakime qilinghanliqigha isharet qilip ötüldi.
«ikki terep afghanistan dairilirini barliq étnik we siyasiy guruppilar emeliy ishtirak qilghan sighdurushchan hökümet teshkillep, ayallar, az sanliq milletler we bashqa dinlargha qaritilghan kemsitish qilmishlirini axirlashturushqa chaqirdi» dégen ibarilergen orun bérilgen bayanatta, shimaliy atlantik ehdi teshkilati — natodiki bir qisim döletlerning, bolupmu amérika qoshma ishtatlirining afghanistanning nöwettiki weziyitining jawabkari ikenliki qeyt qilindi.
