d s t: süriyening shimalidiki apetke uchrighan rayonlarda yardemler yétersiz bolmaqta
dunya sehiye teshkilati (d s t) 6- féwral yüz bergen qahramanmarash merkezlik yer tewreshlerning zerbisige uchrighan süriyening gherbiy shimaligha yetküzüshke tégishlik yardemlerning kemchil bolushidin ensirewatqanliqini uqturdi.
türkiye awazi radiyosi xewiri: dunya sehiye teshkilati yershari jiddiy ishlar dériktori mayk riyan muxbirlargha bayanat bérip: «nöwette eng köp endishe qiliniwatqan rayonning süriyening gherbiy shimali ikenlikini nahayiti éniq» dédi.
süriyening beshshar esed hakimiyitining kontrolluqidiki rayonlarningmu yer tewreshning tesirige uchrighanliqini tilgha alghan riyan, u yerdiki mulazimetlerge peqet shu yerde yashaydighan ahaliningla érisheleydighanliqini bildürüp: «süriyede 10 yildin buyan urush boluwatqanliqini untup qalmasliqimiz kérek. u yerning dawalash sistémisi ishengüsiz derijide ajiz» dédi.
insanperwerlik yardimi dairiside bir qisim chégra éghizlirini waqitliq échiwétishning muhimliqini tilgha alghan riyan, nöwette diqqetning kishilerning éhtiyajigha merkezleshtürülgenlikini bildürdi.
dunya sehiye teshkilati yer tewreshning tesirige uchrighan türkiye we süriyediki xizmetler üchün 43 milyon dollarliq qollash chaqiriqini 84 milyon 500 ming dollargha chiqarghanliqini élan qildi.
