ruméniye hawa tewelikide bayqalghan «namelum uchar jisim» jiddiychilik peyda qildi

türkiye awazi radiyosi xewiri: ruméniye dölet mudapie ministirliqi bayanat élan qilip, hawa tewelikide namelum uchar jisim bayqalghandin kéyin, shimaliy atlantik ehdi teshkilati — nato qomandanliqidiki ikki urush ayropilanining qozghalghanliqini uqturdi.

bayanatta, météorologiye tekshürüsh sharigha oxshaydighanliqigha isharet qilinghan uchar jisimni döletning radar sistémisining 11 ming métir égizlikte bayqighanliqi, urush ayropilanlirining rayonni 30 minut etrapida tekshürüp, jisimning ornini éniqliyalmighanliqi qeyt qilindi.

ruméniye tashqi ishlar ministiri bogdan arésku bayanat bérip: «radarda bayqalghan bolsimu, urush ayropilanlirimiz héchqandaq nerse tapalmidi. shunga, hawa boshluqimizgha yétiwatqan xewp yoq» dédi.

amérika dölet mudapie ministirliqi 3 – féwral (2023) bayanat élan qilip, xitayning alahide égizliktiki bir istixbarat sharining amérika chong quruqluqi hawa tewelikini bésip ötüp, montana ishtatidiki yadro oq béshi we uzun musapiliq bashqurulidighan bomba iskilatliri jaylashqan bir qisim sezgür herbiy orunlarning üstidin uchup ötkenlikining bayqalghanliqini uqturghanidi.

xitay mezkur sharning bir hawa rayi tekshürüsh shari ikenlikini, hawa rayi sharaiti sewebidin yönilish özgertkenlikini ilgiri sürgen bolsimu, bu izahatlar washingtonni qayil qilalmighan, amérika pirézidénti jo baydinning 4 – féwraldiki buyruqigha asasen, amérika mudapie ministirliqi bir küreshchi ayropilanini ishqa sélip, atlantik okyan tewelikide uchuwatqan xitay sharini étip chüshürüwetkenidi.