zélénskiy rusiye bilen dawamlishiwatqan esir almashturush heqqide melumat berdi
ukraina pirézidénti wolodimir zélénskiy 2022 - yili 24 - féwraldin buyanqi rusiye - ukraina urushida, jemiy 1762 ukrainaliqning rusiyening turmiliridin qutuldurulghanliqini bildürdi.
türkiye awazi radiyosi xewiri: zélénskiy télégramma hésabida hembehirligen sinliq uchurida, rusiye bilen ukraina otturisida bu qétimqi esir almashturushta yene 116 ukraina eskirining qoyup bérilgenlikini éytti.
zilénskiy esir almashturushning bir qanche aydin béri dawamlishiwatqanliqini eskertip: «2022 - yili 24 - féwraldin buyanqi rusiye - ukraina urushida, jemiy 1762 ukrainaliq rusiye turmisidin qutulduruldi» dédi.
zélénskiy yene, engiliye bash ministiri rishi sunak bilen téléfonda körüshkenlikini we ukrainagha qoral yardem qilish mesilisi toghrisida söhbetleshkenlikini bildürdi.
ukraina eskerlirining engiliyege tewe «Challenger 2» tankisini ishlitish meshqini bashlighanliqini tekitligen zélénskiy: «bizning ademlirimiz (eskerlirimiz) alliqachan engiliyening «Challenger 2» tankisini ishlitish meshiqini bashlidi» dédi.
zélénskiy ukrainada 346 kündin buyan urush dawamlishiwatqanliqini eskertip, eng éghir toqunushning ukrainaning donétsik rayonida yüz bériwatqanliqini tekitlidi.
مۇناسىۋەتلىك خەۋەرلەر
polshadiki ukraina musapirlirining sani 10 milyon 500 mingdin éship ketti
20-martqiche, ukrainadin polshagha kirgen musapirlarning sani 10 milyon 500 mingdin éship ketti.
