firansiyede pénsiyede islahatigha qarshi keng kölemlik ish tashlash namayishi ötküzüldi
firansiyede talash - tartishliq pénsiye islahatigha qarshi 1 milyon 200 mingdin artuq kishi ish tashlash namayishi ötküzdi.
türkiye awazi radiyosi xewiri: ishchilar oyushmilirining chaqiriqi bilen nurghun sheherlerde énérgiye, qatnash, maarip we sehiye qatarliq köp sanda saheler qatnashqan namayishlargha qatnishish üchün firansiye xelqi kochilargha chiqti.
firansiye metbuatliridiki xewerlerge asaslanghanda, firansiye xelqi marsélya, tulus, nentés we rénnés qatarliq sheherlerni öz ichige alghan 300 din artuq jayda hökümetning pénsiye yéshini 62 din 64 yashqa chiqirishni nishan qilghan islahatigha naraziliq bildürgen. paytext parizhda saqchilar namayishchilargha yash aqquzush bombisi atqan we 30 kishini tutqun qilghan.
bash ministir élizabét borné firansiyede pénsiye yéshining 62 ikenlikini, bu chekning 1 – séntebirdin (2023) étibaren her yili üch ay örlitilip, 2030 - yilighiche tedrijiy halda 64 yashqa chiqirilidighanliqini élan qilghan idi.
her qaysi ishchilar uyushmiliri xelqni dölet miqyasida 7 - we 11 – féwralda namayish üchün kochilargha chiqishqa chaqirghan bolup, 19 - yanwarda pütün memliket miqyasida islahatqa qarshi ötküzülgen namayishlargha 1 milyondin artuq kishi qatnashqan idi.