moskwa latwiye bash elchisining rusiyedin ayrilishini telep qildi
rusiye tashqi ishlar ministirliqi latwiyening moskwada turushluq bash elchisining bu dölettin ayrilishini telep qildi.
türkiye awazi radiyosi xewiri: tashqi ishlar ministirliqi teripidin élan qilinghan yazma bayanatta, latwiyening rusiye bilen bolghan diplomatik munasiwetlirining sewiyesini töwenlitishni qarar qilghanliqi eskertildi.
bayanatta, latwiyening baltiq déngizidiki bashqa döletler bilen «hemkarliq» ni asas qilip bu qararni chiqarghanliqi we bu sewebning rusiye teripidin qobul qilinmighanliqi tekitlendi, shundaqla, bu hemkarliqning rusiyege qarshi düshmenlik tedbirlirini qollanghanliqini bildüridighanliqi we buning amérakining yétekchilikide boluwatqanliqi qeyt qilindi.
bayanatta yene, bu ehwalning pütkül mesuliyitining latwiye hökümitige ait ikenliki eskertilip mundaq déyildi: «latwiyening moskwada turushluq bash elchisi maris riyékstinning 2 hepte ichide rusiyedin ayrilishi telep qilindi. latwiye dairilirining diplomatik munasiwet sewiyesini töwenlitishtiki ighwagerchilik heriketlirige tégishlik jawab qayturulidu.»
