afghanistanda bir hepte ichide tonglap ölgenlerning sani 70 ke yetti

türkiye awazi radiyosi xewiri: taliban waqitliq hökümiti tebiiy apet ministirliqi memliket miqyasida yéqinqi sekkiz kündin buyan soghuq hawaning küchiyishi  sewebidin 70 kishining jénidin ayrilghanliqini élan qildi.

jiddiy qutquzush merkizining mudiri mewlewi abdulla muhemmedi: «deslepki sanliq melumatlargha qarighanda, qar we soghuq hawa sewebidin badgis, ghazni, nimruz, paktika, hirat, qendihar we faryabta 70 kishi jénidin ayrilghan» dédi.

muhemmedi memliket miqyasida 70 ming haywanningmu soghuqta halak bolghanliqini éytti.

afghanistanning gherbidiki hirat ölkiside qish pesli bashlanghandin buyan kochilarda yashaydighan zeherlik chékimlik ​​chekküchilerdin 45 kishining muzlap ölgenliki bildürüldi.  

afghanistanda, iqtisadiy kirizis sewebidin qishta otun we kömür sétiwalalmaydighan töwen kirimlik ​​xelq tebiqisi bar bolup, yézilarda resmiy royxetke élish yétersiz bolghanliqi sewebidin ölgenler saniningmu élan qilinghandin yuqiri bolush éhtimalliqi yuqiri.

afghanistanda bolupmu qish peslide qatnash qiyinchiliqi tüpeylidin insanperwerlik yardem teshkilatlirining éhtiyajliq aililerge yardem yetküzüshimu qiyingha toxtap kelmekte.