b d t bash katipi rusiyening bashqurulidighan bomba hujumini eyiblidi

türkiye awazi radiyosi xewiri: b d t bash katipi bayanatchisi stéfan chémbléy (Stephanie Tremblay) gutérrésning eng az dégende 40 kishi jénidin ayrilghan we nurghun kishi yarilanghan, onlarche kishi yoqap ketken rusiyening bashqurulidighan bomba hujumini qattiq eyibligenlikini bildürdi.

u: «bash katip puqralargha we puqralarning turalghulirigha qaritilghan hujumning xelqaraliq qanungha xilap ikenlikini tekitlidi» dédi.

u bash katipning rusiyening bundaq hujumlarni derhal axirlashturushi kéreklikini bildürüp, dnipro hujumida jénidin ayrilghanlarning aililirige matem bildürüp, yarilanghanlargha shipaliq tiligenlikini qeyt qildi.

rusiye armiyesining 14-yanwardiki (2023) bashqurulidighan bomba hujumida, dniprodiki toqquz qewetlik bir binada kichik balilarni öz ichige alghan 40 puqra jénidin ayrilghan, 75 kishi yarilanghan idi. hujumdin kéyin, dniproda üch künlük matem élan qilinghan idi.

rusiye krémil sariyi bayanatchisi dmitriy péskow tünügün (16-yanwar) bayanat élan qilip, dniprodiki bashqurulidighan bomba hujumi üstide toxtilip: «rusiye armiyesi ahaliler rayonigha yaki ijtimaiy paaliyet binalirigha hujum qilmaydu. ukraina dairilirining tiragédiyege hawa qalqan sistémilirining seweb boluwatqanliqi toghrisidiki sözlirini silermu anglidinglar» dégen idi.