wéngiriye bash ministiri: yawropa ittipaqi rusiyege yürgüzüwatqan émbargolarni toxtitishi kérek
wéngiriye bash ministiri wiktor orban 24-féwraldin (2022) buyan dawamlishiwatqan rusiye-ukraina urushi sewebidin yawropa ittipaqining rusiyege qaratqan émbargo siyasitining xata ikenlikini, shunga bu siyasetni özgertishi kéreklikini éytti.
türkiye awazi radiyosi xewiri: bash ministir orban wéngiriye dölet radiyosi « Kossuth Radio» ning ziyaritini qobul qilghanda bergen bayanatida, rusiyege qaritilghan émbargolar bikar qilinghan teqdirde, énérgiye bahasi we omumiy pul paxalliqining % 50 töwenleydighanliqini, emma buning üchün choqum yawropa ittipaqida siyasiy qarar chiqirilishi kéreklikini éytti.
wéngiriyening ilgiri énérgiye üchün 7 milyard yawro töleydighanliqini, emma bügünki künde émbargolar sewebidin 17 milyard yawro töleydighanliqini eskertken orban, wéngiriyening émbargolarning aldini élish küchi yoqluqini, lékin, gérmaniye yaki firansiye qatarliq chong döletlerning buninggha küchi yétidighanliqini tekitlep mundaq dédi: «urush we émbargolar sewebidin yawropaliqlar nahayiti chong ziyan tartti. urush mezgilide amérika qoshma ishtatlirining paydigha érishkenliki, yawropaning bolsa ziyan tartqanliqi hemmige ayan. rusiyening ghelibe qilghan yaki ziyan tartqanliqi toghrisida talash - tartishlar bar. eger bu mesilige pul nuqtisidin qarisaq, rusiyeni köp ziyan tartti, déyelmeymiz.»
