pérodiki hökümetke qarshi namayishlarda qaza qilghanlar sani 48 ge yetti

türkiye awazi radiyosi xewiri: péroning kusko shehiride namayish ötküzgen yüzlerche kishining bixeterlik qisimliri bilen toqunushi netijiside bir adem qaza qildi, 22 adem yarilandi.

12-ayning 11-künidin buyanqi hökümetke qarshi namayishlarda hayatidin ayrilghanlar sani 48 ge yetti, yarilanghanlar sani 700 din éship ketti.

hökümetning sanliq melumatlirigha qarighanda, namayishlarda qaza qilghan 48 kishining 40 nepiri bixeterlik qisimlirining basturush – tarqaqlashturush heriketliri netijiside qaza qilghan.

memliketlik kishilik hoquqni maslashturush orgini namayishlar toghrisida bayanat élan qilip, saqchilarning namayishchilargha muwazinetsiz küch ishletkenliki otturigha qoyup, hökümettin bu ishqa xatime bérishni telep qildi.

1-ayning 10-küni pirézidént dina boluarté yene bir qétim namayishchilarni namayishlargha xatime bérip, söhbet ötküzüshke chaqirghanidi.

péruda 7-dékabir sabiq pirézidént pédro kastilloning parlamént teripidin hoquqtin élip tashlanghandin kéyin keng kölemlik namayishlar bashlinip ketkenidi.