xitaygha istanbuldin tunji uchush ishqa ashuruldi
«kowid – 19» yuqumi bashlanghandin kéyin 2020 – yili martta yolgha qoyushqa bashlighan chégra éghizliridiki kontirol tedbirlirini bikar qilghan xitaygha, istanbuldin tunji ayropilan sepiri emelge ashuruldi.
türkiye awazi radiyosi xewiri: karantin tedbirlirining axirlishishi bilen tunji xelqaraliq ayropilan sepiri xitay ayrodurumlirigha qarita emelge ashurulghandin kéyin, türkiyedinmu tunji ayropilan sepiri bashlandi.
xitay hawa yolliri shirkiti (China Southern Airlines) «kowid – 19» yuqumidin kéyin, 240 yoluchisi bilen istanbuldin guangju shehirige tunji ayropilan sepirini emelge ashurdi.
IGA (istanbul chong ayrodurumi) awiyatsiye tereqqiyat ishliri diréktori majid xan tunji ayropilan sepiri munasiwiti bilen ötküzülgen murasimda qilghan sözide, wuxendin kéyin, guangjughimu yawropa boyiche eng chong ayrodurum bolghan istanbul ayrodurumidin ayropilan sepirining bashlanghanliqini tekitlep mundaq dédi: «istanbul ayrodurumida xitay yoluchilargha qilinidighan mulazimet türliri nahayiti köp. xitayche sözleydighan xizmetchilerdin tartip xitayche chüshendürüshkiche hemme mulazimet toluq.»
