sénégalda éghir qatnash weqesi yüz berdi

türkiye awazi radiyosi xewiri: sénégal döletlik ot öchürüsh idarisi yazma bayanat élan qilip, paytext dakardin 250 kilométir yiraqliqqa jaylashqan kaffrin shehirige yéqin jayda ikki aptobus özara soqulup kéitip, deslepki éniqlashlargha asaslanghanda, weqede 38 ademning qaza qilghanliqini, 78 ademning yarilanghanliqini uqturdi.

pirézidént maki sal özining twittérdiki adrésida uchur hembehrilep, weqede jénidin ayrilghanlarning aile-tawabiatliridin hal soridi we hadiside jénidin ayrilghanlar üchün bügündin (2023-yili 9-yawar) bashlap üch künlük milliy matem élan qilinghanliqini bildürdi.

weqedin kéyin, türkiye jumhuriyiti tashqi ishlar ministirliqi teziye bayanati élan qilip, türkiyening weqede nurghun ademning jénidin ayrilghanliqi we yarilanghanliqidin chongqur qayghurush ichide waqip bolghanliqini, weqede jénidin ayrilghanlargha allahtin rehim – shepqet tileydighanliqini, ularning aile - tawabiatliri we dostlirigha teziye bildüridighanliqini, yarilanghanlarning salametlikining tézrek eslige kélishini tileydighanliqini bildürdi.